Os berberechos son un deses produtos capaces de converter un aperitivo sinxelo nun bocado especial. O seu intenso sabor a mar e a súa versatilidade permiten preparar receitas doados, frescas e con combinacións moi creativas.
Ademais, podes preparalos con Berberecho de Noia fresco, cando esteamos en campaña; ou coas conservas das empresas adheridas ao noso selo.
Estas son cinco ideas de aperitivos con berberechos doados de preparar e perfectos para compartir.
Berberechos ao vapor con limón
Empezamos, por suposto, cunha das formas máis sinxelas e mellores para desfrutar de todo o sabor e calidade do Berberecho de Noia. Basta con abrir os berberechos ao vapor durante uns minutos e servilos cunhas gotas de limón. Tamén se pode engadir unha folla de loureiro ou un pequeno chorrito de viño branco ao cociñalos.
A clave está en non prolongar demasiado a cocción para conservar a súa textura e jugosidad.
E se queres unha opción cun punto ainda máis cítrico, sigue esta receita de berberechos ao vapor con aromas cítricos.
Crema de aguacate e berberechos
Unha proposta fresca, vistosa e tamén moi doado, perfecta para dar un toque orixinal e sofisticado a calquera aperitivo. Tritura o aguacate cunhas culleradas do líquido da conserva dos berberechos, zume de lima e un pouco de aceite de oliva, ata obter unha crema suave. Próbaa antes de engadir sal, xa que o propio berberecho achega o punto salino.
Reparte a crema en vasiños e termina cada un con varios berberechos enteiros, cebola morada moi picada e unhas gotas de lima.
Berberechos picantes
Outra elaboración moi sinxela e moi galega, cun punto picante. Abres os berberechos ao vapor e aderézalos con pemento picante da Vera e un pouco de aceite de oliva. Unha proposta chea de sabor, perfecta para compartir e moi doado de preparar con Berberecho de Noia fresco ou en conserva.
Para axustar a intensidade a todos os padais, tamén podes combinar pemento doce e picante.
Paté mariñeiro de berberechos
O paté de berberechos é unha receita rápida que non necesita cociñado. Para preparalo, segue a nosa receita: tritura berberechos en conserva ao natural con queixo crema e unha pequena cantidade do líquido da conserva ata conseguir unha textura suave. Sírveo acompañado de pan tostado, regañás ou crudités de verduras.
É unha alternativa perfecta para desfrutar do sabor do Berberecho de Noia tamén fóra de tempada.
Berberechos con viño branco e manteiga de allo
Un aperitivo irresistible que leva o sabor da ría directamente á mesa. A manteiga, o allo, o viño branco e un toque de limón crean unha salsa aromática perfecta para acompañar ao Berberecho de Noia sen restarlle protagonismo.
Ademais, está listo en apenas dez minutos: unha opción rápida e sinxela coa que sorprender e, por suposto, desfrutar mollando pan. Podes ver aquí a receita completa.
