Berberechos con zaragallada de alga wakame

Preparación paso a paso

1. Nunha tixola ampla, quentar o aceite e engadir a cebola picada fina.
2. Refogar a lume baixo, sen présa, ata que estea branda e lixeiramente dourada.
3. Incorporar os pementos vermello e verde e continuar a cocción a lume suave ata que estean completamente tenros.
4. Retirar a tixola do lume, engadir o pemento doce e mesturar ben. Volver poñer ao lume, engadir o tomate e cociñar durante un par de minutos.
5. Incorporar o viño branco e deixar que se evapore o alcohol. Engadir a alga wakame picada e mesturar ben todos os ingredientes..
6. Incorporar os berberechos á zaragallada, tapar a tixola e deixar que abran coa calor durante 2-3 minutos, movendo suavemente o recipiente para que se impregnen do sofrito.
7. Rectificar o punto de sal se fose necesario e servir ben quente, acompañado dunha boa bola de pan.