Empresas adheridas
Conserveras
BayMar
Con máis de seis décadas de experiencia na elaboración artesanal de conservas, BayMar selecciona cada especie no seu mellor momento e conserva o produto mediante procesos manuais que respectan o seu aporte nutricional.
La Brújula
Esta conserveira galega especializada en mariscos e peixes gourmet traballa unicamente con marisco galego e peixe do Cantábrico, baixo criterios de pesca sostible. Cada lata elabórase de forma artesanal, sen maquinaria automática, e con salsas caseiras, sen aditivos nin colorantes.
Cabo de Peñas (Connorsa)
Cabo de Peñas é unha marca galega centenaria, con unha longa herdanza conserveira que combina tradición e tecnoloxía. A súa produción mantén a esencia natural dos mariscos, empregando ingredientes seleccionados e elaboracións tradicionais. A sostibilidade é un dos seus piares.
Conservas de Cambados
Empresa familiar con máis de 25 anos de traxectoria que destaca pola súa aposta pola calidade fronte á cantidade, a coidada selección da materia prima e a elaboración tradicional. O resultado é unha conserva artesá de moi alta calidade.
Conservas Dardo – El Legado de Lola –
Fundada en 1969, Conservas Dardo mantén viva a tradición con produtos elaborados artesanalmente e sen aditivos. A súa liña premium O Legado de Lola é unha homenaxe ás mulleres que marcaron a historia conserveira, seleccionando os mellores mariscos en tempada e envasándoos con coberturas naturais.
La Despensa Galaica
Empresa galega dedicada á elaboración e comercialización de conservas de peixe, marisco e viños con produtos das Rías Galegas. As súas marcas, entre elas Ría Noia e Viamaris, oriéntanse ao segmento gourmet, ofrecendo conservas pensadas para quen busca autenticidade e sabor selecto.
Escurís
Esta marca centenaria foi pioneira na elaboración de berberechos da Ría de Noia en conserva. Cada peza selecciónase e envásase a man, mantendo un estándar artesanal que a distingue. Destaca polo seu compromiso coa sostibilidade, a calidade e o respecto á orixe.
Espinaler
Espinaler é unha marca familiar con máis de 125 anos de historia, recoñecida pola súa ampla gama de conservas gourmet. Procedentes das mellores rías e caladoiros, os seus produtos selecciónanse na orixe e procésanse con coidado para manter frescura e sabor natural.
Friscos
Con máis de 80 anos de historia, Friscos nace da unión de dúas familias galegas con longa tradición conserveira. Desde a Ría de Arousa, soubo adaptarse aos cambios e retos tecnolóxicos sen perder a esencia da conserva artesá.
Galica
Galica é unha conserveira familiar que une receitas tradicionais con procesos modernos de control e trazabilidade. O resultado son produtos con sabor auténtico e coas garantías que esixe o consumidor actual, combinando o mellor da artesanía e da innovación.
Portomar
Con equipo nacido e criado ao carón do mar, esta conserveira de Vilagarcía é especialista na selección das mellores materias primas mariñas. As súas preparacións están cociñadas con ingredientes 100% naturais, sen aditivos, colorantes nin conservantes, para ofrecer sabores únicos e produtos saudables.
Real Conservera Española
A continuidade dunha saga familiar con máis de 100 anos de tradición na conserva artesanal de mariscos e peixes. As súas conservas nacen dunha selección meticulosa de ingredientes, receitas propias de orixe familiar e un proceso artesanal que as converteu nunha das conserveiras máis premiadas do mundo.
Ramon Peña
Ramón Peña leva máis de 100 anos en Galicia elaborando conservas de marisco e peixe das rías. O seu compromiso coa excelencia reflíctese en certificacións internacionais de calidade e en procesos que aseguran autenticidade e seguridade alimentaria.
La Riviere
La Riviere conserva o savoir faire de xeracións na Illa de Arousa. Cada produto selecciónase e envásase a man, en elaboracións artesanais que manteñen vivas receitas tradicionais. Escabeches e augas mariñas completan unha conserva gourmet cun forte arraigamento local.
Mariscadora (Costas y Miñán)
Mariscadora naceu en 1966 en Vilaxoán, Ría de Arousa, unindo tradición mariñeira e pasiòn pola calidade. Hoxe mantén ese espírito en cada conserva, reflectindo respecto polo mar e pola cultura local en produtos que destacan pola súa autenticidade.
Empresas adheridas
Depuradoras
Mariscos Ramais
Situada en Outes, Mariscos Ramais conta con depuradora propia e distribúe mariscos por toda España. As súas instalacións aseguran calidade e frescura, coa garantía dun produto depurado e listo para o consumo.
O Percebeiro
Fundada en Bueu en 2001, O Percebeiro combina experiencia en depuración, cetárea y logística en frío. Su apuesta es entregar pescado y marisco en 24–48 horas, manteniendo todas sus cualidades intactas.
Cooperativa Ría de Arosa
Situada en Outes, conta con depuradora propia e distribúe mariscos en toda España. As súas instalacións garanten calidade e frescura, cun produto depurado e preparado para o consumo.
Empresas adheridas
Peixarías online
Fresco y del Mar
Fresco y del Mar é unha peixaría online que traballa con marisco e peixe da Costa da Morte e da Ría de Muros e Noia. Apoia a pesca artesanal e sostible, garantindo trazabilidade e frescura con entregas en menos de 48 horas.
